Per ca pagino me volas saveskar la lekteri relate konkurso por
la maxim bona artikli skribita en Ido aranjita de la internaciona
Ido-organizuro (Uniono di la Linguo Internaciona):
"La internaciona movado por l'auxiliara linguo Ido, la maxim
facila linguo di la mondo , promisas premii ye konkurso por la
maxim bona artikli en Ido.
Partoprenar povas omna persono sub 30 e l'artiklo konkursenda devas embracar mashinskribita pagino DIN A4 e mustas arivar che ni til la 31. di decembro. Pos l'unesma di januaro itere komencos nova konkurso ye la sama kondicioni por la sequanta yaro.
Necesa por la partopreno esas, ke l'autoro di artiklo por la konkurso adminime trairis la maxim infra Ido-exameno kun recevo dil "Diplomo di kompreno". Ido povas lernesar dum admaxime kelka monati. Pro to anke omna persono nun lerneskante Ido havas chanco ganar premio.
La premii obtenebla esas:
1. US$ 800,-
2. US$ 600,-
+6 x US$ 100,-
Nelimitizita quanto di plusa premii, konsistanta ek postmarki por
kolekteri ye la katalog - valoro di 500,-DM segun Michel-katalogo
adjunte disdonesos omnayare
Voluntez inquestar pro lernili che la
Germana Ido-Societo, Thueringer Strasse 03, DE-37284
Waldkappel, Germania
fax-numero: +4956561812
o per elektrona mesajo a:
interreto:
Ica pagino esis editita ye la nomo di la Germana Ido-Societo de
Nuernberg, la 10ma di decembro 1998 yaro